Hanuman Ashtak
बाल समय रबि भक्षि लियो तब तीनहुँ लोक भयो अँधियारो।
ताहि सों त्रास भयो जग को यह संकट काहु सों जात न टारो।
देवन आनि करी बिनती तब छाँड़ि दियो रबि कष्ट निवारो।
को नहिं जानत है जग में कपि संकटमोचन नाम तिहारो॥१॥
बालि की त्रास कपीस बसै गिरि जात महाप्रभु पंथ निहारो।
चौंकि महा मुनि साप दियो तब चाहिय कौन बिचार बिचारो।
कै द्विज रूप लिवाय महाप्रभु सो तुम दास के सोक निवारो।
को नहिं जानत है जग में कपि संकटमोचन नाम तिहारो॥२॥
अंगद के संग लेन गये सिय खोज कपीस यह बैन उचारो।
जीवत ना बचिहौ हम सो जु बिना सुधि लाय इहाँ पगु धारो।
हेरी थके तट सिंधु सबै तब लाय सिया-सुधि प्रान उबारो।
को नहिं जानत है जग में कपि संकटमोचन नाम तिहारो॥३॥
रावण त्रास दई सिय को सब राक्षसी सों कहि सोक निवारो।
ताहि समय हनुमान महाप्रभु जाय महा रजनीचर मारो।
चाहत सीय असोक सों आगि सु दै प्रभु मुद्रिका सोक निवारो।
को नहिं जानत है जग में कपि संकटमोचन नाम तिहारो॥४॥
बान लग्यो उर लछिमन के तब प्रान तजे सुत रावन मारो।
लै गृह बैद्य सुषेन समेत तबै गिरि द्रोण सु बीर उपारो।
आनि सजीवन हाथ दई तब लछिमन के तुम प्रान उबारो।
को नहिं जानत है जग में कपि संकटमोचन नाम तिहारो॥५॥
रावन युध अजान कियो तब नाग कि फाँस सबै सिर डारो।
श्रीरघुनाथ समेत सबै दल मोह भयो यह संकट भारो।
आनि खगेस तबै हनुमान जु बंधन काटि सुत्रास निवारो।
को नहिं जानत है जग में कपि संकटमोचन नाम तिहारो॥६॥
बंधू समेत जबै अहिरावन लै रघुनाथ पताल सिधारो।
देबिन्हीं पूजि भलि विधि सों बलि देउ सबै मिलि मंत्र विचारो।
जाये सहाय भयो तब ही अहिरावन सैन्य समेत सँहारो।
को नहिं जानत है जग में कपि संकटमोचन नाम तिहारो॥७॥
काज किये बड़ देवन के तुम बीर महाप्रभु देखि बिचारो।
कौन सो संकट मोर गरीब को जो तुमसों नहिं जात है टारो।
बेगि हरो हनुमान महाप्रभु जो कछु संकट होए हमारो।
को नहिं जानत है जग में कपि संकटमोचन नाम तिहारो॥८॥
॥ दोहा ॥
लाल देह लाली लसे, अरु धरि लाल लंगूर।
वज्र देह दानव दलन, जय-जय-जय कपि सूर॥
Baal samai ravi bhakshi liyo tab, teenahu loka bhayo andhiyaro
Taahi so traas bhayo jag ko, yah sankat kaahu so jaat na taaro
Devan aani kari bintee tab, chaadhi diyo ravi kasht niwaro
Ko nahin jaanat hai jag mein kapi, sankat mochan naam tihaaro ॥1॥
Baali ki traas kapees basai giri, jaat mahaaprabhu panth nihaaro
Chauṅki mahaa muni saap diyo tab, chahiy kaun bichaar bichaaro
Kai dwij roop liwaay mahaaprabhu, so tum daas ke sok niwaro
Ko nahin jaanat hai jag mein kapi, sankat mochan naam tihaaro ॥2॥
Angad ke sang lain gaye Siya, khoj kapees yah bain uchaaro
Jeevat na bachihau hum so ju, bina sudhi laay ehaan pag dhaaro
Hari thake tat sindhu sab, tab laay Siya-sudhi praan ubaaro
Ko nahin jaanat hai jag mein kapi, sankat mochan naam tihaaro ॥3॥
Raavan traas dayee Siya ko sab, raakshasi so kahi sok niwaro
Taahi samay Hanuman mahaaprabhu, jaay mahaa rajneechhar maaro
Chaahat Siya Ashok so aagi su, dai prabhu mudrika sok niwaro
Ko nahin jaanat hai jag mein kapi, sankat mochan naam tihaaro ॥4॥
Baan lagyo ur Lakshman ke tab, praan taje sut Raavan maaro
Lai griha baidya Sushen samet, tabai giri Dron su veer upaaro
Aani Sanjeevan haath dai, tab Lakshman ke tum praan upaaro
Ko nahin jaanat hai jag mein kapi, sankat mochan naam tihaaro ॥5॥
Raavan yudh ajaan kiyo tab, naag ki phaas sabhi sir daaro
Shri Raghunath samet sabai dal, moh bhayo yah sankat bhaaro
Aani Khagesh tabai Hanuman ju, bandhan kaati sutraas niwaro
Ko nahin jaanat hai jag mein kapi, sankat mochan naam tihaaro ॥6॥
Bandhu samet jabai Ahiraavan, lai Raghunath pataal sidhaaro
Devhi pooji bhali vidhi so bali, deu sabai mili mantra vichaaro
Jaay sahaay bhayo tab hi, Ahiraavan sainya samet sanhaaro
Ko nahin jaanat hai jag mein kapi, sankat mochan naam tihaaro ॥7॥
Kaaj kiye barh dewan ke tum, veer mahaaprabhu dekhi bichaaro
Kaun so sankat mohin gareeb ko, jo tum so nahin jaat hai taaro
Begi haro Hanuman mahaaprabhu, jo kuch sankat hoya hamaaro
Ko nahin jaanat hai jag mein kapi, sankat mochan naam tihaaro ॥8॥