Bajrang Baan
॥ दोहा ॥
निश्चय प्रेम प्रतीति ते, बिनय करै सनमान।
तेहि के कारज सकल शुभ, सिद्ध करै हनुमान॥
जय हनुमन्त सन्त हितकारी। सुनि लीजै प्रभु अरज हमारी॥
जन के काज विलम्ब न कीजै। आतुर दौरि महा सुख दीजै॥
जैसे कूदि सिन्धु वहि पारा। सुरसा बदन पैठि बिस्तारा॥
आगे जाय लंकिनी रोका। मारेहु लात गई सुर लोका॥
जाय विभीषण को सुख दीन्हा। सीता निरखि परम पद लीन्हा॥
बाग उजारि सिन्धु महँ बोरा। अति आतुर जम-कातर तोरा॥
अक्षय कुमार मारि संहारा। लूम लपेटि लंक को जारा॥
लाह समान लंक जरि गई। जय-जय धुनि सुरपुर भई॥
अब विलम्ब केहि कारण स्वामी। कृपा करहुँ उर अन्तर्यामी॥
जय-जय लक्ष्मण प्राण के दाता। आतुर होइ दुःख करहुँ निपाता॥
जय गिरिधर जय-जय सुख सागर। सुर समूह समर्थ भटनागर॥
ॐ हनु हनु हनु हनु हनुमन्त हठीले। बैरिहिं मारू बज्र की कीले॥
गदा बज्र लै बैरिहिं मारो। महाराज प्रभु दास उबारो॥
ॐकार हुंकार महाप्रभु धावो। बज्र गदा हनु विलम्ब न लावो॥
ॐ ह्रीं-ह्रीं-ह्रीं हनुमन्त कपीसा। ॐ हुं-हुं-हुं हनु अरि उर शीशा॥
सत्य होउ हरि शपथ पायके। राम-दूत धरु मारु धायके॥
जय-जय-जय हनुमन्त अगाधा। दुःख पावत जन केहि अपराधा॥
पूजा जप तप नेम अचारा। नहिं जानत कछु दास तुम्हारा॥
वन उपवन मग गिरि गृह माहीं। तुमरे बल हम डरपत नाहीं॥
पाय परौं कर जोरि मनावौं। यह अवसर अब केहि गोहरावौं॥
जय अंजनि-कुमार बलवन्ता। शंकर-सुवन धीर हनुमन्ता॥
बदन कराल काल-कुल घालक। राम-सहाय सदा प्रतिपालक॥
भूत-प्रेत-पिशाच-निशाचर। अग्नि-बैताल-काल-मारीमर॥
इन्हें मारु तोहि शपथ राम की। राखु नाथ मरजाद नाम की॥
जनकसुता हरि-दास कहावो। ताकी शपथ विलम्ब न लावो॥
जय-जय-जय धुनि होत अकासा। सुमिरत होत दुसह दुख नासा॥
चरण-शरण करि जोरि मनावौं। यहि अवसर अब केहि गोहरावौं॥
उठु-उठु चलु तोहिं राम दुहाई। पाय परौं कर जोरि मनाई॥
ॐ चं-चं-चं-चं चपल चलन्ता। ॐ हनु-हनु-हनु-हनु हनुमन्ता॥
ॐ हं-हं हांक देत कपि चञ्चल। ॐ सं-सं सहम पराने खल-दल॥
अपने जन को तुरत उबारो। सुमिरत होइ आनंद हमारो॥
यह बजरंग-बाण जेहि मारो। ताहि कहो फिर कौन उबारो॥
पाठ करै बजरंग-बाण की। हनुमत रक्षा करै प्राण की॥
यह बजरंग-बाण जो जापै। तेहि ते भूत-प्रेत सब कांपे॥
धूप देय अरु जपै हमेशा। ताके तन नहीं रहे कलेशा॥
॥ दोहा ॥
प्रेम प्रतीति हि कपि भजै, सदा धरै उर ध्यान।
तेहि के कारज सकल शुभ, सिद्ध करै हनुमान॥
Doha
Nishchay prem prateet te, binay karai sanmaan.
Tehi ke kaaraj sakal shubh, siddh karai Hanumaan.
Jai Hanumant sant hitkaari, suni leejai Prabhu arj hamaari.
Jan ke kaaj vilamb na keejai, aatur dauri maha sukh deejai.
Jaise koodi Sindhu bahi paara, Sursa badan paith bistara.
Aage jaai Lankini rokaa, maarehu laat gayi sur loka.
Jaai Vibheeshan ko sukh deenha, Sita nirakhi param pad leenhaa.
Baag ujaari Sindhu mah bora, ati aatur jam kaatar tora.
Akshaya Kumar maari sanhaara, loom lapeti Lank ko jaara.
Laah samaan Lank jari gayi, Jai-Jai dhuni surpur bhayi.
Ab vilamb kehi kaaran Swami, kripa karahun ur antaryaami.
Jai-Jai Lakshman praan ke daata, aatur hoi dukh karahun nipata.
Jai Giridhar Jai-Jai sukh saagar, sur samuh samarath bhatnaagar.
Om hanu hanu hanu hanu Hanumant hatheele, bairihin maaru bajra ki keele.
Gada bajra lai bairihin maaro, Maharaj Prabhu daas ubaaro.
Omkaar humkaar Mahaprabhu dhaavo, bajra gada hanu vilamb na laavo.
Om hreem hreem hreem Hanumant kapeesa, Om hum hum hum hanu ari ur sheesa.
Satya hou Hari shapath paayke, Ramdoot dharu maaru dhaayke.
Jai-Jai-Jai Hanumant agaadhaa, dukh paavat jan kehi apraadhaa.
Pooja jap tap nem achaaraa, nahin jaanat kachu daas tumhaaraa.
Van upvan mag giri grih maahi, tumare bal ham darpat naahi.
Paay parau kar jori manaavon, yahi avasar ab kehi goharaavon.
Jai Anjani Kumar balvantaa, Shankar suvan dheer Hanumantaa.
Badan karaal kaal kul ghaalak, Ram sahaay sadaa pratipaalak.
Bhoot pret pishaach nishaachar, agni baitaal kaal maarimar.
Inhen maaru tohi shapath Ram ki, raakh Naath marjaad naam ki.
Janaksuta Hari daas kehaavo, taaki shapath vilamb na laavo.
Jai-Jai-Jai dhuni hot akaasha, sumirat hot dusah dukh naasha.
Charan sharan kari jori manaavon, yahi avasar ab kehi goharaavon.
Uthu uthu chalu tohinha Ram duhai, paay parau kar jori manaai.
Om chan chan chan chan chapal chalantaa, Om hanu hanu hanu hanu Hanumantaa.
Om han han haank det kapi chanchal, Om san san saham praan khal dal.
Apne jan ko turat ubaaro, sumirat hoy aanand hamaaro.
Yahi Bajrang Baan jehi maaro, taahi kaho phir kaun ubaaro.
Paath karai Bajrang Baan ki, Hanumat raksha karai praan ki.
Yah Bajrang Baan jo jaapai, tehi te bhoot pret sab kaampai.
Dhoop dey aru japai hameshaa, taake tan nahin rahe kaleshaa.